समय र घोडादौड


कृष्ण कुसुम

                                 

वर्षौं देखि उसैगरि दौडिरहेछन्         

टुँडिखेलमा घोडाहरू !

घोडचढि सिपाहीहरू

हातमा लगाम लिएर

दौडाईरहेछन्  -आफ्नै घोडाहरू

विजयी हुने होडमा

 

पहिले पहिले

राजा महाराजाहरू सवार हुन्थे

र नजर गर्थे घोडेजात्रा

तर आजभोलि

भैंसी गोठालाहरू

साधारण किसानका छोराहरू

आउँछन् टुँडिखेल र

हौस्याउँछन् खेलाडीहरूलाई

        

समय र घोडचढि सिपाहीहरू

उस्तै उस्तै रहेछन् आखिर !

घोडचढिहरू आफ्नो लगामले दौडाउँछन् घोडाहरू

र समय आफ्नो लगामले दौडाउँछ समाजलाई

आफ्नो रफ्तारसँगै !

 

समय र घोडाको

यो दौड हेरेर पनि

म असमर्थ छु निर्क्यौल निकाल्न

समयको रफ्तारमा दौडिरहेछन् घोडा

वा घोडाको रफ्तारमा दौडिरहेछ समय ?


Author - कृष्ण कुसुम | Posted on Aug 7 2010 Saturday | Views : 5146
कुसुस्को राष्ट्रिय कविता प्रतियोगिता २०६६


थप साहित्यहरू / Other Literature


  • रेवन चस्मा
  • क्यानभासमा देश
  • जीवनका मूल्यहरू
  • \"आखिर\"
  • यो देश आज

  • Recent Literature
    सडक (प्रथम) by प्रदीप राजभन्डारी (काठमाडौ) on Dec 23 2010 Thursday
    पागलहरू (द्घीतिय) by ताराप्रसाद गिरी (गुल्मी) on Dec 23 2010 Thursday
    आगोको भोक (तृतीय) by राजेन्द्रप्रसाद पन्त/बैराकवी on Dec 23 2010 Thursday
    अहम् (सान्त्वना) by श्यामकुमार भट्टराई on Dec 23 2010 Thursday
    Photo Galleries

    Flowers

    कुसुस्कोस हाजिरी जवाफ प्रतियोगिता २०६९

    KSTM Kavita gosti pics ( 2065/6/4)

    Greetings