रीता
खड्काहे वीरहरु हो भरेर गयौ
रगत नशामा हाम्रो
तरपनि किन छन् आज
लाचार सन्नती तिम्रो
आहत र वेदनाले भरिएको छ
बिहानी आजभोलि
रक्तका छिटाले सजिएका छन् राती
सपनाको गहिराईमा
भरिएका छन् मृत्युहरु
कोकीलका ती गुञ्जहरुमा
छरिएका छन् स्वार्थहरु
गाँसिएका छन् प्रत्येक नातामा
रगतको साइनो हाम्रो
वीरपुर्खाको नाक राख्न नसकी
झुकेको छ शिर हाम्रो
चारजात छत्तसि वर्णको
यो साँझा फुलबारी हाम्रो
सडकमा नारा र जुलुसको
लहर चलेको छ राम्रो
राष्ट्रलाई सदा गौरववित राख्नु भन्ने छापमा
काला गहदारी र कलंक लागेको छ आज
हालका कर्णधार भनि टोपलिएकाहरु
राष्ट्रलाई धकेल्दैछन् खाडलमा ।