सुधा शाही                        

हजारौं पाईतालाले कुल्चेको यो बाटो अझै तातो छ
यो बाटो अझै रातो छ
यही तातोको उर्जाले
यही रातोको उत्साहले

यो देश बाँचीरहेछ
भर्खर त उठ्न थाले मानिसहरु
कठ्याङ्गि्रादो परिवेशबाट
भर्खर त मुक्त भउका छन् झ्याल ढोकाहरु
गजवार र चुकुलको पकडबाट

फलाम हो समय
तातो लाई अझै बनाईनु पर्छ
कस्तो औजार चाहिएको छ अहिलेलाई

त्यस्तै बनाँउनुपर्छ
बाघलाई भाला चाहिएला

किसानलाई कुटो कोदालो
आवश्यकता बुझेर फलामलाई आकार दिनैपर्छ ।
नजानिदो पाराले सही
विस्तारै सही
थारै सही

नयाँ पाईला चाल्नै पर्छ
एउटा नयाँ जग हाल्नैपर्छ
ता कि भोलीलाई भाईचालोको डर नहोस ।

त्यसैले यो बाटो तातो राखिनुपर्छ
त्यसैले बाटो रातो राखिनुपर्छ ।