अपील / Appeal

Family Request / अपिल

आदरणीय महानुभवहरू,

ओखलढुङ्गा जिल्ला खिजीकाति गाउँ विकास समिति वार्ड नं. ९ फोती निवासी वि.स. २०३५ साल पौष २५ गते जन्मेका यूवारत्न स्व. कुलदीप सुनुवारको २९ वर्षको अल्पआयूमै वि.सं.२०६४ साल मंसिर २६ गते असमायिक निधन भयो । उनी परिवारजनको मात्र नभएर समग्र समाज र राष्टकै लागि आशाको केन्द्रविन्दु र उदाउँदै गरेका तारा युवारत्न थिए । अब उनी भौतिक रूपमा हामीमाझ रहेनन् केवल स्मरणमा सिमित भएका छन् र जिउँदो अवशेषको रूपमा उनले छोडेका अधुरा सपनाहरू र अपुरा कार्यहरू मात्र बाँकि रहेका छन् । उनका यिनै अधुरा र अपुरा सपना पूरा गर्न र उनको अमरत्वलाई जिवन्त राख्दै भाषा, साहित्य, गीत, संगीत र कलाको उत्थान, प्रवर्द्घन र विकासको लागि सामाजिक सेवामूलक कार्य गर्न गराउनको लागि स्व. कुलदीप स्मृति कोष नामक विशुध्द  सामाजिक संस्था स्थापना गरेका छौं । यस कार्यको लागि आवश्यक केही पूर्वधार र जग बसाउने प्रयास भैरहेको छ । एउटा व्यक्तिको नाममा एउटा परिवार र केही शुभचिन्तकहरूको सिमित सक्रियताले मात्र यो महान लक्ष्य पूरा गर्न असम्भव हुँदो रहेछ । अझ प्रष्ट भन्नु पर्दा यसको निम्ति चाहिने आवश्यक श्रोत र साधन जुटाउन कुलदीप परिवार एक्लैले धान्न नसक्ने स्थिति रहेको छ र यसको मूल उद्देश्य सामाजिक सेवा तर्फ केन्द्रित भएकोले यसको स्वरूपले पनि ठूलै आकार लिन पुगेको छ । त्यसैले स्वेदश तथा विदेशमा रहनु भएका सम्पूर्ण नेपाली आदरणीय महानुभवहरुबाट खुल्ला हृदय र स्वच्छ भावनाले सल्लाह, सुझाव र सक्दो आर्थिक सहयोग गरी संस्थाको उद्देश्य र लक्ष्य पूरा गर्न र यस सामाजिक सेवामा सहभागी भई मद्दत गरिदिनको लागि कुलदीप परिवार सबैमा विनम्र अनुरोधका साथ अपिल गर्दछ ।

सहयोगदाताहरूको नाम, ठेगाना र प्राप्त रकमको विवरण उच्च कदर र प्राथमिक्ताका साथ कार्यालयको अभिलेखमा र यही वेभ साईटमा राखिने छ । आफूलाई लागेको जिज्ञासा यहाँहरूले जुनसुकै बेला पनि सोधपुछ गर्नका साथै हेर्नसक्नु हुनेछ ।

धन्यवाद ।