प्रश्न

---

नरेश कुमार सुनुवार (नोकुल)

खिँचिकात-९ फोत, ओखलढुङ्गा

 

कृष्ण जी, तिमीलाई प्रश्न गर्छु ...

कुन भाषा बोल्छौ ?

कुन भाषा बुज्छौ ?

बहुभाषी हौ वा एकल ?

 

देवताको भाषा बोल्छौ कि मान्छेको ?

तिमी मानिस हौ कि देवता ?

यदि देवता हौ भने कस्का हौ

साधरण मान्छेको कि निरङ्कुश तानाशाहीको ?

यथास्थितिवादी एकल भाषीका देवता हौ कि

बहुभाषी समावेशी सोँच बोक्नेहरूको ?

वर्षौ भयो मेरो बोली बुझेनौं ।

तिम्रो अनुययीले जस्तै हारगुहार जति गरे पनि

तिम्रो दृष्टिमा म कहिल्यै उत्कृष्ट बन्न सक्दिन

कहिल्यै तिम्रो असल भक्त बन्न सकिन ।

मैले संस्कृत नजान्नु नै अभिषाप भयो ।

म कोइँच बन्नु नै अभिषाप भयो ।

मैले कोइँच भाषा बोल्नु नै अभिषाप भयो ।

 

कृष्ण जी, तिमीलाई प्रश्न गर्छु ..

तिमी कस्का भगवान् हौ

एकलजातिको कि बहुजातिको

एकल भाषीको कि बहुभाषीको ?

Author - नरेश कुमार सुनुवार (नोकुल) | Posted on Aug 5 2010 Thursday | Views : 5018
कुसुस्को राष्ट्रिय कविता प्रतियोगिता २०६६